- Müəssisənin işinin müəyyən növ məhsulların mütləq qaydada markalanmasının tətbiqini nəzərdə tutan qanunvericilik aktlarına uyğunluğunun təmin edilməsi.
- Anbar və logistika əməliyyatlarının əhəmiyyətli dərəcədə sadələşdirilməsi.
- Qüsurlu məhsul istehsalı və məhsulun geri çağırılması hallarında itkilərin azaldılması.
- Malların saxtalaşdırılmadan və kontrafakt məhsul istehsalından qorunması.
- Paylamanın (distribusiyanın) şəffaflığının təmin edilməsi.
Əgər mallar sizə ayrıca qutularda və ya paletlərdə (altlıqlarda) gəlirsə, siz də öz növbəsində müvafiq qablaşdırma formasına yapışdırılmış kodu skan edərək malı qəbul edirsiniz.
GTIN-ləri yalnız istehsalçılar və idxalçılar alır. Məhsulun konkret məhsul qrupuna aid olub-olmamasından asılı olaraq GTIN kodunu əldə etməyin 2 yolu var:
- Rəsmi GS1 saytından istifadə etməklə GS1 qlobal beynəlxalq sistemi vasitəsilə. Xüsusən dərmanlar üçün GTIN-ləri yalnız GS1 vasitəsilə əldə etmək olar.
- Milli Kataloq vasitəsilə – buna çıxışı isə birbaşa və ya şəxsi hesab (kabinet) vasitəsilə əldə etmək olar, amma Milli Kataloqda işləmək üçün GS1-ə üzvlük də tələb olunur. Qalıqların etiketlənməsi üçün (bu, bütün məhsul qruplarına aid deyil) siz Milli Kataloqda sadələşdirilmiş qaydada GTIN əldə edə bilərsiniz.
Məhsulun markalanma kodu daşınma zamanı zədələnə və ya ümumiyyətlə olmaya, məhsulun özü isə “Dövriyyədə” və yaxud “Anbarda yoxdur” statusuna (əgər silinibsə, amma geri qaytarılıbsa) malik ola bilər. Belə olan halda, etiketlənmiş məhsulun sahibi məhsulu yenidən etiketləməlidir. Bunu etmək üçün şəxsi hesabınızda yeni markalanma kodları sifariş etməlisiniz.
Data Matrix kvadrat və ya düzbucaqlı formasında düzülən qara və ağ “xanalardan” və ya nöqtələrdən ibarət ikiölçülü koddur, həmçinin “matris” kimi də tanınır. Kodlaşdırılan məlumatlar mətn və ya nömrə formasında ola bilər. Adi məlumat ölçüsü bir neçə baytdan 1556 bayta qədərdir. Kodlaşdırılmış məlumatların uzunluğu matrisdəki xanaların (hücrələrin) sayından asılıdır. Etibarlılığı artırmaq üçün çox vaxt səhv qoşulma kodlarından istifadə olunur: bir və ya daha çox xana zədələnsə belə, oxunmaz olsa belə, informasiya hələ də oxuna bilər. Data Matrix simvolu 2335-ə qədər hərf-rəqəm simvollarını saxlaya bilir.
İşçi aksiz markasının üzərində olan Data Matrix kodunu skan edəcək. Beləliklə, bu mal vahidi sistemdəki statusunu dəyişəcək. Satışdan sonra məhsulun statusu dəyişərək “Anbarda yoxdur” olacaq.
Mobil tətbiq istehlakçılara məhsulun qanuniliyini yoxlamaq imkanı verir.
Mobil tətbiqdə saxta məhsul barədə məlumat vermək imkanınız olacaq. Pozuntunun növündən asılı olaraq, məlumat nəzarət orqanlarına çatdırılacaq. Onlar məlumatın yoxlanmasının nəticələrini qiymətləndirəcək və saxta məhsul istehsalçılarına qarşı müvafiq tədbirlər görəcəklər.
İstehlakçılar üçün mobil tətbiq ödənişsiz olacaq.
Şikayətləri nəzarət orqanları görəcəklər.
1. TİS istifadəçilərinin qeydiyyat prosesi necə həyata keçirilir?
